Хушксолӣ, заминҳои бидуни рустанӣ, торс-торс кафида ва дарахтони хушкшуда – бонги изтироби табиат аст. Осмонро дуди сиёҳ фаро гирифта, газҳои ғализи дудбарои корхонаҳо роҳи нурҳои офтобро бастаанд. Асаре аз ҳаёт нест: заминҳои сабзу хурам нестанд, дарёҳо хушкидаанд. Дар замини холии пур аз партовҳо, танҳо садои сарди бод шунида мешавад. Замини замоне ҳосилхез ба ғубор табдил ёфта ва барои зиндагӣ корношоям аст, гуё дар замин зубола кишт карданд. Пораҳои пластик, оҳанпораҳо – шоҳидони бетафовутии одамон нисбат ба табиатанд.
