TIA Central Asia – Cards UZ

Eng muhim saboq shuki: agar sayyoramizni saqlab qololmasak, hech narsamiz qolmaydi. Bizning boshqa uyimiz yo‘q, ikkinchi imkoniyatimiz ham mavjud emas. Minglab yorug‘lik yillari orasida faqat bitta joy bizni o‘z bag‘riga oladi. Bu joyni biz Yer deb ataymiz.

Qora qor – endi fantastika emas, bu biz kundalik hayotimizda  ko’rishimiz mumkin bo’lgan narsaga aylangan. U tabiatning mo‘jizasi emas, balki uning yordam so‘rab qilgan faryodidir. Bu jinoyat insonning qo‘li bilan sodir etilgan. Qora qor – bu siz va men nafas olayotgan havoning o‘zidir. Ammo bu hukm emas, aksincha biz albatta yengib o‘tishimiz lozim bo‘lgan sinovdir.

Har bir tur koinotning bir qismidir, va hatto eng kichik Hayot zarrachasining yo‘qolishi ham mavjudligimizning asoslarga putur yetkazadi. Ekotizimlarni tiklash va endemik turlarni saqlab qolish haqida qayg‘urish zarur.

Agar biz Yerni kelajak avlodlardan qarzga olsak, unda uni hech bo‘lmaganda shu holatda qaytarishimiz kerak. Men farzandlarimga bo‘sh planeta qolishini istamayman.

Bizning Aqmola viloyatimizda Borovoye deb nomlangan ajoyib bir joy bor. Uni Qozog‘istonning gavhari deb atashadi. Men u yerga oilam bilan borishni, baland qarag‘aylar orasida sayr qilishni, qushlarning sayrashini tinglashni va ko‘lning tiniq suvida qoyalarning aksini tomosha qilishni yoqtiraman. Biroq sayyohlardan so‘ng  qanchalik ko’p axlat qolayotganini ko‘rganimda ko‘nglim xira bo‘ladi. Plastik idishlar, paketlar va boshqa chiqindilar […]

Kecha daraxtlar – bugun to‘nkalar! Nima uchun? Aytishlaricha, bu sanitariya nuqtayi nazaridan yoshartirish uchun kesish ekan – daraxtlar transport harakatiga va kommunikatsiyalar ishiga xalaqit berarmish… Endi ular xunuk qilib ustunlarga o‘xshatib kesilgan…

Har kim jamoat transportidan foydalanish, velosipedda yurish va piyoda yurishga ustunlik berish orqali o‘z hissasini qo‘shishi mumkin. Shahar hokimiyati muqobil energiya manbalarini rivojlantirishi, ekologik me’yorlarni takomillashtirishi va yashil hududlarni kengaytirishi lozim. Toza havo – bu hashamat emas, balki hayotiy zaruriyatdir.

Bugungi kunda Yer xuddi havo sharidek nozik, atrofimizdagi dunyo esa unga nisbatan haddan tashqari shafqatsiz munosabatda bo‘lmoqda.

Agar biz tabiat bilan uyg‘unlikda yashashni o‘rgansak – o‘zimizning va kelajak avlodlarimizning porloq kelajagini ta’minlay olamiz.