TIA Central Asia – Cards KAZ

Ең маңызды сабақ: ғаламшарымызды сақтай алмасақ, түгіміз қалмайды. Басқа үйіміз, басқа мүмкіндігіміз жоқ. Мыңдаған жарық жылы арасында бізге құшақ жаяр бір-ақ жер – өзіміздің Жеріміз бар.

Егер біз Жерді болашақ ұрпақтан қарызға алған болсақ, онда оны біз кем дегенде сол күйінде қайтарып беруіміз керек. Мен балаларыма бос планетаны мұра етіп қалдырғым келмейді.

Біз тұратын Ақмола облысында тамаша бір жер бар – жұрт Қазақстанның інжу-маржаны атап кеткен Бурабай. Мен онда отбасыммен бірге барып, төбесі көк тіреген қарағайларды аралай серуендеп, құстардың сайраған үнін тыңдап, көлдің мөлдір суына жарқырай түскен құз-жартастардың бейнесіне сүйсіне қарағанды ұнатамын.  Тек… туристердің артынан қалған тау-тау қоқысты көргенде, көңілім жабырқайды. Пластик бөтелкелер, пакеттер мен өзге де […]

Әр түр — дүние жаратылысының «кірпіштері», ал Тіршіліктің бір бөлшегі жоғалса, тіршіліктің іргесі шайқалады. Экожүйелерді қалпына келтіріп, эндемик түрлерді сақтап-қорғауға мән беру керек.

Қара қар фантистика болудан қалды. Енді ол – біздің күнде көріп жүрген шындығымыз. Табиғаттың тосын мінезі емес, көмек сұрап шырылдаған жанайқайы. Бұл қылмысты адамдар жасап отыр. Қара қар – сіз бен біздің тыныс алып жүрген ауамыз. Тек бұл – бізге кесілген жаза да емес, біз еңсеруге тиіс сынақ.

Кешегі жайқалып тұрған ағаштан бүгін тұқылы ғана қалған!  Неге?  Бұл санитарияға керек, ағаштарды жаңартып, жасартуға керек дейді… Ағаштар бұтақ жайып кетсе, көлік қозғалысы мен коммуникация жұмысына кедергі дейді…  Енді олардың арбиған тұқыл бағандары ғана қалған…

Әркім-ақ үлес қоса алар еді: қоғамдық көлікке, велосипедке мініп, тіпті жаяу жүруге болады. Қала әкімшілігі балама қуат көздерін дамытып, жасыл желекті көбейтуге тиіс. Таза ауа – артық қалау емес, базалық қажет нәрсе.

Табиғатпен үндесе өмір сүруді үйренсек, өзіміздің де, келер ұрпақтардың да келешегі жарқын болар еді.

Технологиялар бүлдірмей, керісінше, көмектесе алады: бұрын Қазақстанда суы мөлдір өзендер мен желегі жасыл ормандар көбірек, ауа тазазарақ болатын. Енді табиғат өзгеріп келеді: су азайып, ауа ластанып, ормандар оталып жатыр. Енді бірдеңені өзгертуге кеш қалдық деседі. Жоқ, олай емес. Келешек бізге қарап тұр. Суды ысырап қылмай жұмсап, жел мен күннің қуатына жүгінсек, бәрін түзеуге болады.