Біздің құрам

Аида Айдарқұлова – азаматтық қоғам саласында 20 жылдан астам тәжірибесі бар адам құқықтары саласындағыі заңгер. 2009 жылдан бастап ол «Сорос-Қазақстан» қорында алдымен Құқықтық реформалар бағдарламасының директоры, кейін бағдарламалар директоры қызметін атқарды. 2019 жылы қордың атқарушы кеңесінің төрайымы болып сайланды. Қорға келгенге дейін Айда “Құқықтық мониторинг, сараптама және талдау институты” жергілікті сараптамалық орталығының Алматыдағы филиалының директор орынбасары қызметін атқарды. Ол жерде Қазақстан Республикасы Үкіметі бастама еткен заң жобаларына салыстырмалы құқықтық талдау жүргізді.

Наргиз Қасенова – Орталық Азия саясаты, Еуразия геосаясаты және өңірдегі басқару саласына маманданған саясаттанушы. Оған қоса, ол – Гарвард университетінің Дэвис атындағы Ресей және Еуразияны зерттеу орталығында аға ғылыми қызметкер әрі Орталық Азия бағдарламасының директоры, сондай-ақ Алматыдағы КИМЭП университетінің доценті. Бұған дейін ол КИМЭП жанында құрылған Орталық Азияны зерттеу орталығы және Қытай мен Орталық Азияны зерттеу орталығының негізін қалап, басқарған. Наргиз Жапониядағы Нагоя университетінде халықаралық ынтымақтастық саласында PhD дәрежесіне ие. Ол адам құқықтары, өңірлік даму және сыртқы саясат мәселелеріне арналған бірқатар халықаралық консультатив кеңес пен редакциялық алқаның құрамына кіреді.

Питер Леонард – Орталық Азияға көптен бері қызығып жүрген журналист әрі коммуникация саласының маманы. 2024 жылдың наурызынан бастап ол Substack платформасында Орталық Азиядағы өзекті оқиғаларға арналған тәуелсіз Havli арнасын жүргізіп келеді. CAPS Unlock жобасына қосылғанға дейін Питер 2015–2024 жылдары Eurasianet сайтында Орталық Азия бойынша редактор болып жұмыс істеді, онда редакциялық стратегияны әзірлеп, аймақтағы тілшілер желісін үйлестірді. Бұған дейін ол Украинадағы Associated Press агенттігінің бюросын Майдан оқиғаларынан кейінгі шешуші кезеңде (2014–2015) басқарған, сондай-ақ РИА Новости агенттігінің ағылшын тілді қызметінің басқарушы редакторы болған. Питердің журналистік мансабы 2007–2013 жылдары Associated Press-тің Орталық Азиядағы тілшісі ретінде басталды, ол кезде аймақтағы маңызды оқиғаларды жариялап отырды. Сонымен қатар ол The Moscow Times газетінде бизнес бөлімінің орынбасар редакторы болған.

Сәуле Каликова – білім беру саясаты саласындағы маман, мемлекеттік құрылымдарда, азаматтық қоғам және халықаралық ұйымдардағы жұмыс бойынша тәжірибесі мол. Ол Қазақстанның Ұлттық білім академиясында, Білім және ғылым министрлігінде, парламентте және «Сорос-Қазақстан» қорында қызмет атқарған. Сәуле Қазақстан үкіметіне және Азия даму банкі, Дүниежүзілік банк, БҰҰ Даму Бағдарламасы, ЮНЕСКО сияқты көптеген халықаралық ұйымдарға білім беру секторындағы реформа бойынша кеңес берген. Қазіргі уақытта ол Алматыдағы ЮНЕСКО-ның өңірлік офисімен тұрақты даму мүддесіндегі білім беру мәселелері бойынша бірлесіп, климаттың өзгеруі мәселесіне ерекше көңіл бөледі. Сәуле – көптеген сараптамалық материалдың авторы. Оған қосы, жалпы және орта білім беру саласындағы зерттеу және тәлімгерлік жобаларды басқарған.

Хью Маклин Алматыда тұрады. Ол білім беру, эстетика, активизм және кино саласын зерттеп жүр. Өзінің бүкіл кәсіби өмірін белсенді, мұғалім және меценат ретінде білім беру саласына арнады. Хью Оңтүстік Африкадағы студенттік қозғалысқа қатысқан. Педагогикалық білім алған соң, ол жерінен айырылған фермерлерге арналған қоныстану ауылындағы шалғайдағы ауылдық мектепте мұғалім болып қызметін бастаған. Кейінірек кәсіподақтарда және ауыл шаруашылығы жұмысшылары арасында бейресми білім беру мен ересектерге сауат ашуды оқытумен айналысты. Африка Ұлттық Конгресі заңдастырылып, Оңтүстік Африканың алғашқы демократиялық үкіметі билікке келгеннен кейін, Хью корпоративтік әлеуметтік жауапкершілік саласында жұмыс істеп, мектепке дейінгі балаларды күту және оқыту бағдарламаларын, қауымдастықты дамыту бастамаларын және қамаудағы жасөспірімдерге кәсіби дағдыларды үйрету жобаларын қолдады. 2006 жылдан 2020 жылға дейін ол Open Society Foundations ұйымының жаһандық білім беру бағдарламасын құрып, басқарды. Бұл бағдарлама білім берудегі демократиялық қатысуды нығайтуға, білім алу құқығын және білімді қоғамдық игілік ретінде қорғау үшін қоғамдағы есеп беруді дамытуға бағытталды.

Зухра Халимова – Еуразияда және одан тыс жерде халықаралық даму мен инклюзив даму саласында 25 жылдан астам тәжірибесі бар жетекші маман. 20 жыл бойы ол Тәжікстандағы «Ашық қоғам» қорының атқарушы директоры қызметін атқарып, адам құқықтары, заң үстемдігі, ашықтық, цифрлық трансформация, бизнес дамуы және мемлекеттік қызмет реформасы салаларындағы ұлттық реформа жобаларын басқарды. Бұл жұмысқа үкіметті, даму агенттіктерін, ҮЕҰ-ны, БАҚ пен сараптама орталықтарын тартты. Орталық Азиядағы ақпараттық және коммуникациялық технологиялар саласында адами капиталды дамытуға қосқан үлесі үшін ол Азия-Тынық мұхиты оқу орталығы (APCICT/ESCAP) оны алғыс сертификатымен марапаттаған. Қазіргі уақытта Зухра CAPS Unlock ұйымының аға кеңесшісі, Women in Digital Transformation (WinDt LLC) компаниясының стратегия кеңесшісі, сондай-ақ Institute for Integrated Transitions (IFIT) жанындағы Transition Assistance Group мүшесі болып табылады. Ол цифрлық трансформация және инвестициялық климат реформалары бойынша кеңес береді. Сонымен қатар, АҚШ Бейбітшілік институты (USIP) жанындағы C5+1 сарапшылар тобының мүшесі. Зухра USAID Digital Ecosystem Country Assessment, WB Digital CASA, Internews Greater Internet Freedom Project / Ranking Digital Rights жобаларында, сондай-ақ Еуроодақ, GIZ және Demos Helsinki үшін кеңесші болған. Ол халықаралық қауіпсіздік мамандығы бойынша Tufts университетіндегі Fletcher School-дың халықаралық қатынастар магистрі дәрежесіне, сондай-ақ Тәжік мемлекеттік университетінде шығыстану магистрі дәрежесіне ие. Бұған қоса, ол Stanford CDDRL LAD, CIPE, Harvard Kennedy School (NESA/NDU) және INSEAD–OSF Global Leaders Executive Education Program бағдарламаларының түлегі.

Тлеген Қуандықов – саяси зерттеулер, коммуникация және жобаларды басқару саласында тәжірибесі бар зерттеуші және сараптама орталығының маманы. Оның кәсіби қызығушылықтары Орталық Азиядағы мемлекеттік басқару мен саяси үдерістерге, сондай-ақ институционалдық динамика мен өңірлік үрдістерді талдауға бағытталған. Ол Павия университетінде әлем саясаты мен халықаралық қатынастар мамандығы бойынша магистр дәрежесін алған. Сонымен қатар, Global Think Tank Leaders Program (ISPI, ЭЫДҰ, Боккони университеті) және Perspectives 2030 Program (ЕҚЫҰ) бағдарламаларының түлегі. Бұдан бөлек, ол Флоренциядағы Еуропалық университет институтының трансұлттық басқару мектебінде жасанды интеллектіні икемді жолмен реттеу бағдарламасын аяқтаған. Зерттеу қызығушылықтары – авторитаризмді салыстырмалы зерттеу, саяси институттар, саяси тұрақтылық, қоғамдық пікір және жасанды интеллектіні реттеу мәселелері.

Азимжан Хитахунов – CAPS Unlock ұйымының аға ғылыми қызметкері. Ол бакалавр, магистр және Ph.D. дәрежелерін әл-Фараби атындағы Қазақ ұлттық университетінде алған. Докторлық зерттеуін Джонс Хопкинс университетінің Халықаралық зерттеулердің жоғары мектебімен (SAIS, Болонья, Италия) бірлесіп жүргізген. Оның ғылыми қызығушылықтары – макроэкономика, халықаралық экономика, өңірлік интеграция және жаһандану. Назары негізінен Орталық Азия елдері мен Еуразиялық экономикалық одаққа шоғырланған. Азимжан әл-Фараби атындағы Қазақ ұлттық университетінде, КИМЭП университетінде, AlmaU-да және Еуразиялық ғылыми-зерттеу институтында жұмыс істеген. Ол Қазақстанның Ғылым және жоғары білім министрлігі, Қазақстан Ұлттық банкі және CAREC институты (Орталық Азия өңірлік экономикалық ынтымақтастық бағдарламасы) қаржыландырған жобаларға қатысқан. CAREC институтымен бірлесіп, ол Орталық Азиядағы цифрлық трансформациядағы арнайы экономикалық аймақтардың рөлі мен Қазақстандағы климаттың өзгеруі туралы қоғамның хабардар болуы жөніндегі жобаларды жүзеге асырған.

Аскар Қөшкінбаев CAPS Unlock ұйымын өркендету және ықпалын арттыру мақсатында оның грант беру стратегиясы мен фандрайзинг бастамаларын қадағалайды. Ол сапалы жоба әзірлеу жұмысында бағдарлама топтарын қолдайды, серіктестермен тиімді ара қатынасты қамтамасыз етеді және грант портфелінің ұйымның стратегиялық басымдықтарына сай болуын бақылайды. Сонымен қатар Аскар сенім деңгейін тексеру, қауіп-қатер мүмкіндігін бағалау және грант алушылар мен серіктестердің әлеуетін нығайту процестерін басқарады. Азаматтық қоғамды дамыту, ашықтық пен есеп беру саласында он жылдан астам тәжірибесі бар.

Филип Нубель — журналист, зерттеуші және қытайтанушы. Ол Ташкентте өсіп, кейін Токио, Прага, Париж және Бейжің қалаларында білім алған. Париждегі Шығыс тілдері мен өркениеттері ұлттық институтын (INALCO) посткеңестік және Шығыс Азия зерттеулері мамандығы бойынша тәмамдаған. Ол Азияда (Бішкекте алты жыл, Қытайда он жыл, Тайванда үш жыл) және Еуропада (Лондон, Прага, Берлин) Біріккен Ұлттар Ұйымы, International Crisis Group, Internews, The Times of Central Asia, Global Voices, AMO сияқты түрлі халықаралық ұйымдарда медиа, медиа дамыту және саяси талдау саласында жұмыс істеген. Қазіргі зерттеуі әлемдегі қытай диаспоралары мен Қытайдың Ғаламдық Оңтүстіктегі рөліне бағытталған. Ол чех, ағылшын, француз, қытай (мандарин) және орыс тілдерін меңгерген.

Гүлнора Бекназарова – әлеуметтанушы, ұлттық гендерлік сарапшы және Zerkalo-Group компаниясының директорлар кеңесінің мүшесі. Сондай-ақ ол Тәжікстан үкіметінің әйелдер және отбасы істері комитеті жанындағы гендерлік жұмыс тобының құрамына кіреді. Бұған дейін Тәжікстандағы «Z-Analytics» ЖШС директоры қызметін атқарған, ал кәсіби мансабын 2008 жылы «Зеркало» әлеуметтану орталығының зерттеу бөлімінің басшысы ретінде бастаған. Бекназарова ханым Душанбе қаласындағы Тәжік ұлттық университетін (бакалавриат) тәмамдаған. 2003 жылы Еуропалық гуманитарлық университетте гендерлік әлеуметтану мамандығы бойынша магистр дәрежесін алған, аш 2007 жылы әлеуметтік философия саласында PhD дәрежесіне ие болды. Ол әлеуметтік теңсіздік, миграция және гендер мәселелері бойынша бірқатар жарияланымдардың авторы және бірлескен авторы болып табылады.

Юлий Юсупов – экономист, Өзбекстандағы Экономикалық даму орталығының ғылыми директоры. Оның Орталық Азиядағы зерттеу және консалтиң саласында тәжірибесі мол. Ол экономикалық даму, бизнестің өсуі, сыртқы сауда және экономикалық саясат, сондай-ақ түрлі нарықтағы маркетиңтік зерттеу мен консалтиңге назар аударады. Сонымен қатар ол білім беру және жоба басқару саласында қызмет атқарған. Юлий халықаралық ұйымдармен, соның ішінде ЕҚҚДБ (EBRD), БҰҰ Даму Бағдарламасы (UNDP), АДБ (ADB), ХҚК (IFC), Дүниежүзілік банк, USAID, GIZ, Жапония Халықаралық Ынтымақтастық агенттігі (JICA), UNICEF, IFAD, UNESCO және басқа ұйымдармен жұмыс істеген. Ол халықаралық консультант ретінде белсенді ат салысады. Оның ішінде әсіресе ЕҚҚДБ жобаларының 40-ынан астамына қатысқан. Юлий бірнеше оқулық пен монографияның, 20-дан астам сараптама есебінің және ғылыми журналдар мен жинақтарда жарияланған 200-ден астам мақаланың авторы. Сондай-ақ Өзбекстан Республикасының президенті жанындағы кәсіпкерлік жөніндегі қоғамдық кеңестің мүшесі.

Алматыда орналасқан Steppe & World Publishing және Alghayat әдеби агенттігінің негізін қалаушы және директоры. Раиса Египет, Ұлыбритания, АҚШ пен Нидерландыда жоғарғы білім алды. Ол Лондондағы Chatham House, Кувейттегі ASYIA Investment, Германиядағы BEBE CASHMERE қызмет еткен. Корпоративтік, кәсіпкерлік және әлеуметтік жобалардың жетекшісі болған Раиса өзінің барлық білімі мен тәжірибесін бүгінде әлемдегі үздік әдебиетті Қазақстанға әкелуге қолданып жүр. Steppe & World 2017 жылы құрылды және әлемнің жетекші баспаларымен серіктестік орнатып әлемге әйгілі кітаптарды қазақ тілінде шығаруда. Steppe & World-тің күші мен назары әдебиетті түсінікті әрі сапалы етіп аударуға негізделген. Раиса – қазақ тілін насихаттайтын үздік баспагер болуға бағытталған әлеуметтік кәсіпкер.

Медет Тюлегенов – Орталық Азия университетінің жоғары даму мектебі жанындағы заматтық қоғам бастамасының аға ғылыми қызметкері. Бұған дейін ол Орталық Азияның америкалық университетінің халықаралық және салыстырмалы саясат кафедрасында доцент қызметін атқарған. Оның зерттеу және оқыту саласындағы қызығушылықтары – проблемалар саясаты, өтпелі кезең елдеріндегі азаматтық қоғам, кімдік пен құқық саясаты. 2008 жылға дейін Медет үкіметтік емес секторда жұмыс істеген, оған дейін Қазақстан Ұлттық ғылым академиясында және Қырғыз ұлттық университетінде ғылыми қызметкер болған. Ол 1993 жылы Қырғыз мемлекеттік университетінде тарих мамандығы бойынша білім алса, 1996 жылы АҚШ-тағы Боулинг-Грин университетінде мемлекеттік басқару магистрі дәрежесін қорғаған. Қазір Аустриядағы Орталық Еуропа университетінде саясаттану бойынша PhD дәрежесіне үміткер.

Майкл Холл – Орталық Азиядағы адам құқықтарын қорғау, негізгі бостандықтарды өрлету және қақтығыстардың алдын алу мәселелеріне назар аударатын зерттеуші әрі жоба жетекшісі.