Markaziy Osiyo ayniqsa zaif hudud hisoblanadi. Qurg‘oqchilik va toshqinlardan keladigan zarar yiliga YAIMning 1,3% igacha yetishi mumkin, 2050 yilgacha esa hosildorlik 30% ga kamayib, ichki migratsiya 5,1 million kishiga yetishi kutilmoqda. Moslashuv va tirikchilikni himoya qilish siyosatning asosiy yo‘nalishlari bo‘lishi kerak.
Mintaqadagi isish global darajadan yuqori bo‘ladi. 2100 yilga borib haroratning o‘sishi 2-6 °C ni tashkil etadi. Agar harorat 5-6 °C ga yetsa, qurg‘oqchilik, issiq to‘lqinlar, yog‘in-sochin rejimining o‘zgarishi va cho‘llanish doimiy hodisalarga aylanadi. Shu bois iqlim siyosatini mustahkamlash va mintaqa davlatlari o‘rtasidagi hamkorlik muhimdir.Muzliklar tez sur’atlarda kamaymoqda. 1961 yildan beri Tyanshan muzliklarining hajmi 27% ga kamaygan, 2050 yilga borib ularning yarmi yo‘qolishi mumkin. Bu suv resurslari, qishloq xo‘jaligi, gidroenergetika va ekotizimlar uchun katta xavf tug‘diradi. Mintaqa davlatlari bu muhim resurslarni saqlab qolish uchun choralar ko‘rishi zarur.
