CAPS Unlock (Central Asian Policy Studies) – Olmaotada joylashgan Markaziy Osiyo tahliliy markazi bo‘lib, mintaqaning dolzarb masalalari, jumladan iqlim o‘zgarishi va uning Markaziy Osiyo mamlakatlari rivojlanishiga ta’siri bo‘yicha amaliy tadqiqotlar olib boradi.
Aylantirib ko‘ring: Markaziy Osiyo iqlim kartalari to‘plami mintaqa yoshlarining ovozi hisoblanadi. Ularning badiiy va matnli asarlari bizga shafqatsiz haqiqatni yetkazadi: iqlim o‘zgarishi va ekologik inqiroz suv, energiya, oziq-ovqat, biologik xilma-xillikka va pirovardida insoniyatning yashab qolishiga tahdid solmoqda. Bu muammolar chegaralarni tan olmaydi va birgalikdagi harakatlar hamda tizimli o‘zgarishlarni talab etadi.
Ta’lim bu yechimlarning ajralmas qismidir. CAPS Unlock yangi avlodni ekotizimlarni tiklash, atrof-muhitni muhofaza qilish va tabiat bilan uyg‘unlikda yashaydigan barqaror jamiyat qurish uchun bilim, ko‘nikma va motivatsiya bilan qurollantirish maqsadida iqlim va ekologiya bo‘yicha majburiy ta’limni joriy etishga chaqirmoqda.
Markaziy Osiyo yoshlarining murojaati juda aniq: yo umumiy sa’y-harakatlar tufayli Yer yuzida hayot gullab-yashnaydi, yoki barchamizni achinarli qismat kutmoqda. Harakat qilish vaqti – hozir.
